Gazte gorrentzako arreta programaren bitartez haur eta gazte gorren behar emozionalak zaintzen ditugu. Horretarako, gure zentroetan hainbat jarduera antolatzen ditugu:

• Haur gorrentzako udalekuak, Euskal Herriko Gorren Lagun eta Gurasoen Elkarteen Federakundeak (EHEGOLGUF) antolatuta.
• Gazte Gorren Lurralde arteko Topaketa, Euskal Herriko Gorren Lagun eta Gurasoen Elkarteen Federakundeak (EHEGOLGUF) antolatuta, parte hartzaile guztien artean gizarte sareak errazteko.
• Sozializazio jarduerak: haur gor eta entzuleei astialdirako espazioa eta denbora ematen dizkiegu, esperientziak banatu eta beraiek bezalakoak nahiz desberdinak diren lagunekin batera egon daitezen.
• GELA IREKIA programa

  Helburuak:

  • Ikastetxe desberdinetako ikasleei elkar ezagutu eta esperientzia eta egoera komunak banatzeko aukera ematea.
  • Gorreriaren ondoriozko informazioa eskuratzeko zailtasuna dela eta, gela arruntean jorratu diren arren osotasunean argitu ez diren gaiak jorratzea.
  • Beren gorreriaren errealitateari eta beharrei buruzko informazioa ematea.
  • Beren gelakide entzuleekin erlazionatzeko estrategiak ezartzea.
  • Beren bizi esperientziak familia entzule baten testuinguruan kokatzea.
  • Beren harremanak eta irudi soziala testuinguru berrian kokatzea.
  • Hezkuntza etapak amaitutakoan dauden hezkuntza aukeren inguruko informazioa jasotzea.

LSE bideoa